834 Pos Artikel oleh Penulis Muhammad Huda – Portal Ngapak

Kurir Ning Cirebon Kocar-Kacir Isi Paketan King Cobra Kan Cilacap Ucul

Muhammad Huda — Thu, 09 Jun 2022 00:38:59 +0000

CIREBON, PORTAL NGAPAK – Pan anter barang paketan sekan Cilacap marang Indramayu, durung tekan malah Karyawan Ekspedisi anter barang ning Cirebon digawe panik.

Pasale isi ning njero box sing pan dianter malah ucul, karyawan ning kantor ekspedisi Tiki ning dalan by Pass pun kocar-kacir. Soale wedine nemen, sing ucul King Cobra asli.

Kewan sing upase mandi nemen kue ucul lan nggelosor mondar-mandir terus ngumpet ning njerone Kantor Ekspedisi, sungkan ndak kepriwe-priwe, akhire Nelpon pihak Pemadam Kebakaran (Damkar).

Penjelasan Pelaksana Harian perusahaan Ekspedisi Tiki By Pass Kota Cirebon, Carsha, awale pihak ekspedisi pan nyortir barang sing dikirim kan Cilacap.

“Sedurunge dikirim marang tempat tujuan Indramayu, barang-barang sekan arah Banyumasan di transit lan disortir gimit ning kene, pas disortir kie isi paketan sekan Cilacap ucul lan isi-ne King Cobra. Belih pengin kejadian sing ora-ora teruse nelpon pihak Damkar.” ujar Pelaksana Harian perusahaan jasa Ekspedisi Tiki by Pass Kota Cirebon, Carsha.

Pihak Damkar sing neremi Laporan kue langsung meluncur marang lokasi, lan Akhire Ula berbisa jenis King Kobra bisa dicekel lan dievakuasi.

Tuture salah sijine petugas Damkar Hendri, Dugaane King Cobra iku ucul lantaran karduse teles lan lembab.

“Dugaane Ulane ucul sebab karduse teles lan lembab, bisa dadi ulane ngguwang kotoran ning njero kardus lan dadi teles. Sementara ulane wis diamanaken lan rencanane pan koordinasi karo pihak BKSDA ben selanjute Ulane dilepasliarkan.” Tutur Hendri.

Ngakune Juragan Bawang, Papat Janda Ning Brebes Kapusan

Muhammad Huda — Mon, 30 May 2022 11:13:36 +0000

BREBES, PORTAL NGAPAK – Percaya marang lanangan sing ngaku juragan bawang, papat janda ning Brebes kapusan, ngakune pas ngadu marang Kepolisian Mbak Janda ngaku wis pernah dicucus lan aweh duit pirang-pirang.

Akibate Pelaku kang aran Triwaluyo (28) asal Desa Tanjungsari, Kecamatan Wanasari, Kabupaten Brebes ditangkep dening Kepolisian.

Kasatreskrim Polres Brebes, AKP Syuaib Abdullah nerangna, Kasus kuwe diungkap jalaran Korban W (32) melapor marang Kepolisian Polres Brebes.

“Kan keterangan Korban, awal mulane Korban bisane kenal kambi Pelaku mulane kan Facebook. Pelaku ngaku marang korban yen wong sugih tur pengusaha Bawang, akhire Korban pun kepincut” Tutur Kasatreskrim.

Tambah Kasatreskrim, Akhire korban lan pelaku ketemuan lan rela ngelayani nafsu bejat pelaku lan direkam. Rekaman iku ning pelaku kanggo meden-medeni korban lan kanggo pemerasan.

“Kan hasil hubungan Korban lan Pelaku, Korbane nganti duweni anak umur 1 tahun lan rugi duwit atusan juta.” Tambah Kasatreskrim.

Ditelusuri, Ternyata Pelaku ora mung ngapusi marang Janda siji, kehitung saiki korbane papat sementara telu wis lapor.

Pelaku berhasil ditangkep berkat salah siji korban sing nduweni siasat ngajak Pelaku jalan-jalan.

“Pelakune kie ngumpet pas digoleti, tapi berkat salah siji korban sing duwe siasat ngerayu jalan-jalan akhire pelaku berhasil diringkus, Pelaku diringkus ning umahe kancane ning Desa Siwuluh Kecamatan Bulakamba, Brebes, Kamis (26/05/22)” Terang Kasatreskrim.