Kumpulan Pos Cilacap – Portal Ngapak

Kurir Ning Cirebon Kocar-Kacir Isi Paketan King Cobra Kan Cilacap Ucul

Muhammad Huda — Thu, 09 Jun 2022 00:38:59 +0000

CIREBON, PORTAL NGAPAK – Pan anter barang paketan sekan Cilacap marang Indramayu, durung tekan malah Karyawan Ekspedisi anter barang ning Cirebon digawe panik.

Pasale isi ning njero box sing pan dianter malah ucul, karyawan ning kantor ekspedisi Tiki ning dalan by Pass pun kocar-kacir. Soale wedine nemen, sing ucul King Cobra asli.

Kewan sing upase mandi nemen kue ucul lan nggelosor mondar-mandir terus ngumpet ning njerone Kantor Ekspedisi, sungkan ndak kepriwe-priwe, akhire Nelpon pihak Pemadam Kebakaran (Damkar).

Penjelasan Pelaksana Harian perusahaan Ekspedisi Tiki By Pass Kota Cirebon, Carsha, awale pihak ekspedisi pan nyortir barang sing dikirim kan Cilacap.

“Sedurunge dikirim marang tempat tujuan Indramayu, barang-barang sekan arah Banyumasan di transit lan disortir gimit ning kene, pas disortir kie isi paketan sekan Cilacap ucul lan isi-ne King Cobra. Belih pengin kejadian sing ora-ora teruse nelpon pihak Damkar.” ujar Pelaksana Harian perusahaan jasa Ekspedisi Tiki by Pass Kota Cirebon, Carsha.

Pihak Damkar sing neremi Laporan kue langsung meluncur marang lokasi, lan Akhire Ula berbisa jenis King Kobra bisa dicekel lan dievakuasi.

Tuture salah sijine petugas Damkar Hendri, Dugaane King Cobra iku ucul lantaran karduse teles lan lembab.

“Dugaane Ulane ucul sebab karduse teles lan lembab, bisa dadi ulane ngguwang kotoran ning njero kardus lan dadi teles. Sementara ulane wis diamanaken lan rencanane pan koordinasi karo pihak BKSDA ben selanjute Ulane dilepasliarkan.” Tutur Hendri.

Mayan Lah 300 Ewu, Primen Carane Cek Bansos

Redaksi Cilacap.info — Tue, 22 Jun 2021 11:06:57 +0000

PORTAL NGAPAK – Pemerintah Indonesia terus aweh bantuan sosial (Bansos) kanggo rakyate, mulai sing nominal mung 300 ewu ngasi Rp1.200.000,- (Banpres UMKM).

Ndakan senawane sampean olih lan kedata dadi penerima bantuan, sampeyan bisa cek langsung maring alamat https://cekbansos.kemensos.go.id/.

Nang website nduwur mau, sampeyan bisa isi form sesuai alamat mulai Provinsi, Kota/Kabupaten, Kecamatan, Desa, lan jeneng lengkape.

Contoeh: Provinsi : Jawa Tengah, Kota : Kab. Cilacap, Kecamatan : Kroya, Desa : Mujur Lor.

Terakhir sampeyan bisa lebokna Captcha acak sesuai karo nang gambar, lan klik “Cari Data”.

Nek ora olih mengko metu tulisan “Tidak Terdapat Peserta / PM”.

Nek sampeyan olih berarti tinggal nunggu surat sekan Desa lewat ketua RT/RW.

Terus nek wes olih undangan, aja klalen nggawa scene foto copy KTP lan Kartu Keluarga (KK), bar kue bisa langsung maring balai desa sesuai desa tempat tinggal sampeyan.

Wong Malang Ngandang Akibat Ngedoli Bandwith ilegal

Muhammad Hasan Bahtiar — Thu, 28 Jan 2021 15:40:59 +0000

CILACAP, PORTAL NGAPAK – Alamat diputus Kerja samane nang pihak provider, SL (46) wong asli kan Malang, Jawa Timur kie akhire bakalan ngandang nang penjara.

Perkara lan kasuse terungkap, sebabe najan wis diputus pihak provider SL tesih ngadoli Bandwith Internet secara ilegal internet sing kecepatane 300 Mbps.

Sewulan SL bisa bati lima ngasi 6 jutaan. Ora mung kue, jaringan customer’e juga ngasi tembus 3 kecamatan nang aring Cilacap, Jawa Tengah, antarane Maos, Adipala lan Kroya.

Mbasa ditakoni polisi, SL ngakoni nek awalane usahane kue legal, tapinan teruse diputus sebabe nunggak tagihan ngasi 17 jutaan.

“Iya pak, jalarane diputus pihak provider karena nunggak mbayar tagihan sekitar 17 jutaan.” Jere SL maring Polisi.

Kapolres Cilacap AKBP Leganek Mawardi njelasna, akibate tindakan sing dilakukna pelaku, SL diukum sesuai Pasal 47 Juncto Pasal 11 ayat (1) UU RI Nomor 36 Tahun 1999 tentang Telekomunikasi.

“Sesuwene, Tersangka diancam enem tahun penjara lan utawa denda sekitar enem atus juta.” Pungkas’e Kapolres Cilacap sing sakdurunge pernah njabat Kapolres Karanganyar.